ആദ്യകാലരാത്രികൾ

ആദ്യകാലരാത്രികൾ

SHARE

ട്ടച്ചേറ് മണക്കുന്ന

മോട്ടോര്‍ തറയുടെ മുറി
വെള്ളയടിച്ചെടുത്ത്
ആദ്യകാലരാത്രികള്‍ അതിലാക്കണം

കാറ്റില്‍ ചാച്ചന്‍മാരുടെ മുറുക്കാന്‍പൊതിയുടെ
ചൂരിനൊപ്പം പാതിവിരിഞ്ഞ നെല്ലിന്‍റെ പാല്‍ മണം
ഒഴുകിവരണം

രാത്രിയില്‍ വരാല്‍ ഞൊട്ടിയുടെ വെള്ളമെടുക്കും
ഗുളും ഒച്ച കേട്ട്
നിന്നില്‍ അമര്‍ന്ന് കിടക്കണം

തൊണ്ട പൊട്ടിപ്പാടി ചക്രം ചവിട്ടിയ ചാച്ചന്‍മാരുടെ
തേക്കുപാട്ടിന് കാതോര്‍ക്കണം
രാത്രിയില്‍ പോക്ക് വരവ് നടത്തുന്ന
ഭദ്രകാളിത്തള്ളയെ കൈ കാണിക്കണം

മടയുറയ്ക്കാന്‍ വലിച്ചെറിയപ്പെട്ട എന്‍റെ
അപ്പന്‍മാരേ
മുല പിഴിഞ്ഞ് ഞാറിന് കൊടുത്ത
എന്റമ്മമാരേ
കട്ടുറുമ്പ് തിന്ന കുഞ്ഞുങ്ങളേ
പകരം ചോദിക്കാന്‍ നല്ല ഒരു കുഞ്ഞിനെ തരണേ
എന്ന് പാടി തുടങ്ങാം


Comments

comments