അടിവസ്ത്രങ്ങള് കേവലം ശരീരം മറയ്ക്കുന്ന വസ്ത്രങ്ങള്അല്ലാതാകുകയും പുരുഷാധിപത്യത്തിന്റെ ലിംഗ, ലൈംഗിക പ്രത്യയശാസ്ത്രത്തിന്റെ കൂട്ടിക്കൊടുപ്പുകാരാവുകയും ചെയ്യുന്നുവെന്നത് ചൂണ്ടിക്കാണിക്കുന്ന വായന.
ശരീരത്തെക്കുറിച്ചുള്ള മലയാളിയുടെ ധാരണ അതെന്തോ
ഇച്ചീച്ചി വിഷയമാണെന്നാണ്. അതിനാല് ശരീരത്തെ വൃത്തിയായി പൊതിഞ്ഞു സൂക്ഷിക്കാനുള്ള ഒരു ജൈവികവസ്തു എന്നതാണ് പൊതു കാഴ്ചപ്പാട്. അതിനെക്കുറിച്ചു സംസാരിക്കുന്നതോ വിശകലനം ചെയ്യുന്നതോ വിലാക്കായിട്ടാണ് മലയാളി കാണുന്നത്. ശരീരവുമായി മാത്രവല്ല ശരീരവുമായി ബന്ധപ്പെട്ട ലൈംഗികതപോലുള്ള വിഷയങ്ങളെയും വിലക്കിന്റെ ഭാഷയിലാണ് മലയാളി കാണുന്നത്. ചുരുക്കത്തില് ഇണചേരലിലെ പ്രാഥമിക സ്വാതന്ത്ര്യങ്ങള്പോലും മലയാളിയുടെ ബോധത്തിൽ ഇല്ലെന്നുള്ളതാണ് വസ്തുത. അവിഹിതത്വങ്ങളുടെ വ്യവഹാരങ്ങളിലൂടെയേ മലയാളിക്ക് ലൈംഗികത മനസിലാകൂ എന്നിടത്തെത്തിയിരിക്കുന്നു കാര്യങ്ങള്. ശരീരത്തെ പോലെതന്നെയാണ് ശരീരവുമായി അടുത്തു ബന്ധപ്പെട്ടിരിക്കുന്ന അടിവസ്ത്രത്തിന്റെ കാര്യവും. വളരെ ഗോപ്യമായി സൂക്ഷിക്കേണ്ടതും പെരുമാറേണ്ടതുമായ ഒന്നെന്നാണ് അടിവസ്ത്രത്തെക്കുറിച്ചുള്ള മലയാളീ ധാരണ. അതിനെക്കുറിച്ച് കൃത്യവും വ്യക്തവുമായ പേരുകള്തന്നെ മലയാളത്തിൽ ഇല്ലെന്നത് അവയുടെ നിഗൂഡ സ്വഭാവം സൂചിപ്പിക്കുന്നു. ലിംഗത്തിനും മറ്റും അശ്ലീലമെന്നു പറയാത്ത പേരുകളില്ലാത്തത് ഇതുമായി കൂട്ടിവായിക്കണം. ജട്ടി, ഷഡ്ഢി, ബ്രേസിയര്, ബനിയന് എന്നിങ്ങനെ പേരുകളുള്ളതിനെയെല്ലാം പരസ്യമായി പറയാന്പാടില്ലാത്തതോ അശ്ലീലമോ ആയിക്കരുതുന്ന ചിലവയുടെ പേരുകളായാണ് നാം ഗണിക്കുന്നത്. ഇതില് പുരുഷന്മാരുടെ അടിവസ്ത്രങ്ങളിലൊന്നായ ബനിയന്മാത്രമാണ് അല്പമെങ്കിലും പരസ്യ സ്വഭാവം അഥവാ നിഗൂഡതയില്ലാത്തത്. അതേസയം ജട്ടിക്ക് കടുത്ത വിലക്കാണ്. ഇതില് നിന്ന് കാര്യങ്ങള് വ്യക്തവുമാകുന്നു, അശ്ലീലമായി കരുതുന്ന ലൈംഗികാവയവങ്ങളെ മറയ്ക്കുന്ന, ആവരണം ചെയ്യുന്ന വസ്ത്രത്തെയും മലയാളി അശ്ലീലമായിട്ടാണ് കരുതുന്നത്. അറപ്പുള്ളതോ പരസ്യമായി കൈകാര്യം ചെയ്യാന് പാടില്ലാത്തതായോ അതിനെ മുദ്രകുത്തിയിരിക്കുന്നത് ലൈംഗികാവയവങ്ങളുമായി അതിനുള്ള അടുത്ത ബന്ധമാണ്. ബനിയന് അങ്ങനയല്ല കരുതുന്നത്. കാരണം ബനിയന് ലൈംഗികാവയവത്തയല്ല മറയ്ക്കുന്നത് എന്നതുതന്നെ.
ഇവയുടെ കഴുകലടക്കമുള്ള കാര്യങ്ങള് ശ്രദ്ധിച്ചാല്ഇത് കൂടുതല് വ്യക്തമാകും. മറ്റു വസ്ത്രങ്ങൾ പോലെയല്ല ഇവയെ വീടുകളില്വ്യവഹരിക്കുന്നത്. ഇവയുടെ കഴുകലും ഉണക്കലും വളരെ രഹസ്യസ്വഭാവത്തിലാണ്. പുറത്തെ അയകളില് അധികം വിരിക്കാറില്ല. വിരിച്ചാല്തന്നെ മറ്റു വസ്ത്രങ്ങളുടെ മറ സൃഷ്ടിച്ചാവും ചെയ്യുക. ഇതില്തന്നെ ലിംഗഭേദവും കാണാം. പുരുഷന്മാരുടെ അടിവസ്ത്രങ്ങള്പുറമേ വിരിക്കാറുണ്ടെങ്കിലും അടിവസ്ത്രങ്ങള്കഴുകിയുണക്കുന്ന സ്ത്രീകള്അവരുടെ അടിവസ്ത്രങ്ങള് പരസ്യമായി പുറത്ത് വിരിച്ചുണക്കാറില്ല. ചുരുക്കത്തില് നിത്യേന മലയാളി ഉപയോഗിക്കുന്നതും വളരെയേറെ കരുതലും മറ്റും പുലര്ത്തുന്നതുമായ അടിവസ്ത്രങ്ങളുടെ കാര്യത്തില് സങ്കീര്ണമായ സാംസ്കാരിക രാഷ്ട്രീയം പ്രവര്ത്തിക്കുന്നുണ്ട് എന്നതാണ് വെളിപ്പെടുന്ന വസ്തുത. അങ്ങനെ നോക്കുമ്പോള്അടിവസ്ത്രങ്ങൾ കേവലം വസ്ത്രങ്ങള്മാത്രമല്ലെന്നും മലയാളിയുടെ ശരീര–ലൈംഗിക വ്യവഹാരങ്ങളെ പൊതിഞ്ഞു സൂക്ഷിക്കുന്ന സവിശേഷമായ മറയാണെന്നും വ്യക്തമാകും. സമൂഹത്തിലെ പുരുഷ ലൈംഗികതാ വ്യവഹാരങ്ങള് കേന്ദ്രീകരിച്ചാണ് ആ മറയുടെ പാളികള്രൂപപ്പെട്ടിരിക്കുന്നതും. സ്ത്രീ മൃദുല ചിത്തയും കായികമായും മാനസികമായും നിസംഗയുമാണെന്നും പുരുഷനാകട്ടെ ഇതിനൊക്കെ വിരുദ്ധനാണെന്നുമുള്ള സമൂഹത്തിലെ പ്രാഥമിക ലിംഗപദവിയെ അടിസ്ഥാനപ്പെട്ടാണ് അടിവസ്ത്രങ്ങളുടെ ചിന്തകള് പ്രവര്ത്തിക്കുന്നത്. സ്ത്രീയും പുരുഷനും പ്രതിനിധാനം ചെയ്യുന്ന സാമൂഹ്യധര്മത്തിന്റെ അടിസ്ഥാനത്തില്സ്ത്രീയെ അടക്കവും ഒതുക്കവും ഉളളവളാക്കാനും പുരുഷനെ അടിച്ചമര്ത്തുന്ന അധികാരിയാക്കുന്നതുമാണ് അടിവസ്ത്രങ്ങളുടെ നിലവിലെ അജണ്ട. അടിവസ്ത്രങ്ങളുടെ പരസ്യങ്ങള്പരിശോധിച്ചാൽ ഇത് വ്യക്തമാകും.
അടിച്ചു തകര്ക്കുന്ന ആണത്തത്തിന്റെ ആവരണം
വലേറോ പരസ്യം നോക്കുക. https://www.youtube.com/watch?v=K2-AnUBaZzY 
പുരുഷന്റെ അടിവസ്ത്രത്തിന്റെ പരസ്യമാണിത്. ഒരു ബീച്ചിലെ വോളിബോൾ കളിയില്ഊന്നിയാണ് പരസ്യം. ഒരു പുരുഷന്പാന്റു ധരിച്ച് ആണ്പെൺ സുഹൃത്തുക്കളോടൊപ്പം നടന്നു വരുന്ന യുവാവിനെ മറ്റൊരാൾ പന്തടിച്ച് പ്രകോപിക്കുന്നു. അയാള് വെല്ലുവിളി സ്വീകരിച്ച് വോളിബോള്കളിക്കാൻ തയാറാകുന്നു. അവന് തന്റെ പാന്റ് ഊരുന്നു. അയാളുടെ അരയിലെ വലേറോ ജട്ടി വെളിപ്പെടുന്നു. വോളിബോൾ കളിക്കുകയും കളിക്കിടയില്കനത്ത സ്മാഷിലൂടെ തന്നെ ആദ്യം അടിച്ച എതിരാളിയെ മലര്ത്തിയടിക്കുകയും ചെയ്യുന്നു. പരസ്യം തീരുന്നു. ആ യുവാവിന് എതിരാളിയെ മലര്ത്തിയടിക്കാൻ സഹായിച്ചത് ഈ ജട്ടിയാണെന്നാണ് പരസ്യത്തിന്റെ യുക്തി. അതിനാല്ഈ ജട്ടി ധരിച്ചാല്എതിരാളികളെ മലര്ത്തിയടിക്കുന്ന ആണത്തമുള്ളവർ ആകുമെന്നാണ് സൂചന. ഇന്നര് സ്റ്റൈല്ഓഫ് മാൻ എന്ന വാചകം ഈ ജട്ടിയുടെ ലക്ഷ്യം ആണത്തമാണെന്നു വ്യക്തമാക്കുന്നു. പുറംവശം പോലെ പുരുഷന് അകവശവും ഉണ്ടെന്നും അതും ആണത്തമെന്നു വ്യവഹരിക്കുന്ന അക്രമോത്സുകതയുടെ രൂപമാകണമെന്നുമാണ് ഇതിന്റെ അടിസ്ഥാനം. അഥവാ ആരെയും കായികമായി കീഴടക്കുന്ന ആണത്തത്തിന്റെ അടിസ്ഥാനം ജട്ടികളാണെന്നും വലേറോ അതിന്റെ ഒരു രൂപമാണെന്നുമാണ് വ്യവഹരിക്കുന്നത്. ഈ പരസ്യത്തിലെ ആണ്ശരീരങ്ങളും ശ്രദ്ധിക്കണം. മസിലുള്ള ആണത്തത്തിന്റെ ഉത്തരാധുനിക സ്വഭാവമായ കാഴ്ചയില്സൗന്ദര്യം ജനിപ്പിക്കുന്ന ശരീരങ്ങളാണ് ഇവിടുത്തെ ആണ്ശരീരങ്ങൾ. പോരടിക്കലും കായികമായ കീഴടക്കലും ഇതിന്റെ അടിസ്ഥാന ലക്ഷ്യമാണെന്ന് ഇവ കൃത്യമായി സൂചിപ്പിക്കുന്നു.
ഫ്രെഞ്ചിയുടെ പരസ്യത്തിലേക്ക്. ആദ്യകാലത്ത് ഏറെ പ്രചാരമുണ്ടായിരുന്ന ഫ്രെഞ്ചിയുടെ പരസ്യം മറ്റൊരു തലത്തിലേക്കാണ് ശ്രദ്ധയെ കൊണ്ടുപോകുന്നത്. https://www.youtube.com/watch?v=PyFGSvkCLFk 
പരസ്പരം ഇഷ്ടമുള്ള സ്ത്രീയും പുരുഷനും കെട്ടിപ്പിടിച്ചു നില്ക്കുന്നു. പുരുഷന്എതിരാളിയായ മറ്റൊരു പുരുഷനെ ഇടിച്ചു തെറിപ്പിക്കുന്നു. ഈ ചിത്രത്തിൽ നിന്ന് ഇതിന്റെ കഥയിങ്ങനെ ഗ്രഹിക്കാം. മറ്റൊരാള്മോഹിക്കുന്ന തന്റെ കാമുകിയെ ആ ശത്രുവില് സംരക്ഷിക്കുകയാണ് ഇവിടെ അയാള്ചെയ്യുന്നത്. ഭാര്യ/കാമുകിയെ ശത്രുവിൽ നിന്ന് രക്ഷിക്കുവാൻ സ്ത്രീക്കു സ്വയം കഴിയല്ലെന്നും പുരുഷനേ കഴിയുകയുള്ളുവെന്ന ആണത്തപാഠമാണ് ഇതിന്റെ അടിസ്ഥാനം. സ്ത്രീക്ക് സ്വയം രക്ഷിക്കാന്ആവില്ലെന്നും പുരുഷന്മാരായ അച്ഛന്/സഹോദരന്/ഭര്ത്താവ് എന്നിവരാകണം അവളെ സംരക്ഷിക്കേണ്ടതെന്നുമുള്ള പാഠം നമ്മുടെ സാമുഹ്യചിന്തകളുടെ ആധാരമാണെന്നുള്ളത് ഇവിടെ ചേര്ത്തു വയ്ക്കണം. സഹോദരിമാരുടെ മാനം കാക്കുന്ന ആങ്ങളമാരെക്കുറിച്ചുള്ള ചൊല്ലുകള്വടക്കന്പാട്ടുകൾ തൊട്ട് എത്ര വേണമെങ്കിലും ഉദ്ധരിക്കാന് കഴിയും. ഫ്രെഞ്ചിയുടെ പരസ്യത്തില്ഒരു യുക്തി പ്രവര്ത്തിക്കുന്നുണ്ട്, സ്ത്രീയെ രക്ഷിക്കുന്ന പുരുഷന്മേൽ വസ്ത്രമായി ഒരു ഉടുപ്പു മാത്രമാണ് ധരിച്ചിരിക്കുന്നതെന്നും അരയ്ക്കു താഴെ ഫ്രെഞ്ചിയുടെ ജട്ടി മാത്രമാണ് ഇട്ടിരിക്കുന്നതെന്നുമാണ്. എന്തു കൊണ്ടാണു ഇയാള് പാന്റോ മറ്റോ ധരിക്കാഞ്ഞതെന്നുള്ള ചോദ്യമുണ്ടാകാത്ത വിധത്തിലാണ് പരസ്യത്തിന്റെ അജണ്ട പ്രവര്ത്തിക്കുന്നത്. സ്ത്രീയെ കീഴടക്കാനും രക്ഷിക്കാനുമുള്ള ആണത്തം കാണിക്കേണ്ടതാണെന്നും ആ ആണത്തത്തിന്റെ കേന്ദ്രം ലിംഗമാണെന്നും ലിംഗത്തിനു ചേര്ന്ന വസ്ത്രമാണ് ഇതെന്നുമാണ് ആഖ്യാനം. കരുത്തുള്ള ലിംഗത്തിന്റെ വസ്ത്രമാണ് ഇത്തരം ജട്ടികളെന്നാണ് പരസ്യം ഊന്നല്. ആ ലിംഗവും –വലിപ്പവും മുഴുപ്പമുള്ള ലിംഗം– പ്രകടമായി കാണിക്കുകയെന്നതാണ് ജട്ടിയുടെ ചിത്രത്തിന്റെ ലക്ഷ്യം.
ഇതിന്റെ മറ്റൊരു തലമാണ് ജോക്കിയുടെ പരസ്യം കാണിക്കുന്നത്. https://www.youtube.com/watch?v=cU_k6mz5WjQ 
കുളികഴിഞ്ഞെത്തുന്ന പുരുഷനെ കാമുകി/ഭാര്യ ശ്രദ്ധിക്കുന്നില്ല. അവനെ തള്ളി നീക്കാന്ശ്രമിക്കുന്നു. അതിനു കാരണമായി അവന്റെ മേശവലിപ്പിലെ അവന്റെ അടിവസ്ത്രങ്ങള്കാണിക്കുന്നു. അതെല്ലാം ശരിയായ വിധത്തിലുള്ള അടിവസ്ത്രങ്ങളല്ലെന്നാണ് സൂചന. അവള് ജോക്കിയുടെ പാക്കറ്റുകള്വയ്ക്കുന്നു. കുറേ നെരം അവളെ സ്നേഹിക്കാന്ശ്രമിച്ചിട്ടും നടക്കാത്ത കാമുകന്ഒടുവിൽ ജോക്കിയുടെ ജട്ടിയിട്ട് അത് കാണിക്കും വിധം പാന്റും ധരിച്ചു ആണത്തമുള്ളവനായി പ്രവേശിക്കുന്നതോടെ അവള് അവന്റെ കരവലയത്തിൽ ഒതുങ്ങുന്നു. പ്രണയവും ലൈംഗികതയും പുതിയ കാഴ്ചപ്പാടില് നിര്വചിക്കുന്നതാണിവിടെ കാണുന്നത്. സ്ത്രീ പുരുഷനെ പ്രേണയിക്കണമെങ്കില് ലൈംഗികതയ്ക്കു വഴങ്ങണമെങ്കില് പുതിയ കാലത്തിന്റെ പൗരുഷത്തെ നല്കുന്ന ചിഹ്നങ്ങള് ഉണ്ടായിരിക്കണം. പുതിയ കാലത്തിന്റെ ആണത്തത്തെ നിര്വചിക്കുന്നത് ബഹുരാഷ്ട്രകുത്തകകളുടെ വസ്ത്രസങ്കല്പങ്ങളാണ്. ഇതില്പ്രധാനമാണ് അടിവസ്ത്രങ്ങള്. അടിവസ്ത്രം പുതിയത് ധരിച്ചാല്കാമം/പ്രേമം ഉണ്ടാകുമെന്ന സൂചന സാമ്പ്രദായികമായ പുരുഷ ലൈംഗികതയുടെ പ്രഖ്യാപനമാണ്. പുരുഷന്കീഴടക്കുന്ന ആണത്തത്തിലേക്കു വളരണമെന്നാണ് ഇവിടുത്തെ സൂചന. അല്ലെങ്കില് പെണ്ണ് പ്രേമിക്കുന്നില്ല. പെണ്ണിനെ സുഖിപ്പിക്കുന്ന, സംരക്ഷിക്കുന്ന അക്രമോത്സുകമായ കരുത്തിന്റെ അടയാളമായി ആണിനെ മാറ്റിത്തീര്ക്കണമെന്നാണ് ഈ പരസ്യവും സംസാരിക്കുന്നത്. അതിന്റെ കേന്ദ്രം അവന്റെ ലിംഗമാണ്. ആ ലിംഗത്തെ കരുത്തിന്റെയും ബലപ്രയോഗത്തിന്റെയും ചിഹ്നമായി രൂപീകരിക്കുന്നത് ഈ ജട്ടികളാണെന്നാണ് പരസ്യത്തിന്റെ പാഠം.
ഈ പരസ്യങ്ങളിലൂടെ സഞ്ചരിക്കുമ്പോള് എങ്ങനെയാണ് ആണത്തത്തെയും പെണ്ണത്തെയും ഉല്പാദിപ്പിക്കുന്നത് എന്നത് മനസിലാകും.
- 1. സാമ്പ്രദായികമായ ആണ്കരുത്തനും സ്ത്രീ ദുര്ബലയുമാണെന്ന ദ്വന്ദ്വത്തിന്റെയും പുറംലോകം പുരുഷന് അകം സ്ത്രീക്ക് എന്ന വിഭജനത്തിന്റെയും പുനരുല്പാദനമാണ് ഇവയുടെ അടിസ്ഥാനം. കരുത്തനായ മസിലുള്ള പ്രകോപനം ഉണ്ടാക്കുന്ന ആക്രമിക്കുന്ന ആണാണ് പരസ്യങ്ങളുടെ കേന്ദ്രം. നഗ്നമായ ആണ്ശരീരമാണ് ഇവിടെ ദൃശ്യമാകുന്നത്.വെളുത്ത, മിനുസമുള്ള ജിമ്മിലൂടെ നവീകരിക്കപ്പെട്ട ശരീരമാണിത്. സ്ത്രീയാകട്ടെ പതിവുപോലെ ദൗര്ബല്യത്തിന്റെയും സംരക്ഷിക്കപ്പെടലിന്റെയും കാഴ്ചയായി മൊത്തം മൂടിപ്പൊതിഞ്ഞും.
2. പരസ്യങ്ങളിലെല്ലാം ക്രിയാഭരിതമാണ്. ഈ ക്രിയകളുടെ കേന്ദ്രം ആണാണ്. അവന്റെ സ്ഥാനം പുറം ലോകമാണ്. സമൂഹം പുരുഷന് നല്കിയിട്ടുള്ള കളി, സംഘട്ടനം, സംരക്ഷണം, ലൈംഗികത എന്നിവയാണ് ഇവിടുത്തെ ക്രിയകള്. വലേറോയില് പന്തുകളിയാണ്. ആണ്കരുത്തിന്റെ പ്രകടനപരതയുടെ ആഘോഷമായാണ് കായികത്തെ കാണുന്നത്. സ്ത്രീകള് ഈ മേഖലയില് ഉണ്ടെങ്കിലും സ്പോര്ട്സും ഗെയിംസും ആണിന്റേതായാണ് അംഗീകരിക്കപ്പെട്ടിരിക്കുന്നത്. അതിന്റെ കാരണം കരുത്ത് ആണിനാണെന്ന പുരുഷ ധാരണയാണ്. ലൈംഗികതയെ കളിയായി കാണുന്നതും അതിലും കേന്ദ്രമായി ആണിനെ നിര്വചിക്കുന്നതും ഇതിന്റെ ഭാഗമാണ്. ഫ്രെഞ്ചിയുടെ പരസ്യത്തില്ആണത്തത്തിന്റെ ശരിയായ ലക്ഷണമായ പെണ്ണിനെ സംരക്ഷിക്കുകയെന്ന, അതും അടിച്ചു തകര്ത്ത് ക്രിയയുടെ പൂര്ണത അവതരിപ്പിക്കുന്നു.
3 ഇവിടങ്ങളിലെല്ലാം സ്ത്രീ ഒരുക്രിയയും ചെയ്യാനില്ലാത്തവളും പുരുഷന് ചെയ്യുന്നത് നിസംഗമായി കാണുന്നവളോ ആസ്വദിക്കുന്നവളോ ആണ്. പുരുഷന്റെ കരുത്തിന് വിധേയമാകുക, അവനെ ശരിയായ ആണാക്കി പരിവര്ത്തിപ്പിക്കുക, കരുത്തിന്റെ വിപരീതമായ സൗന്ദര്യത്തിന്റെ രൂപമായി ചമഞ്ഞൊരുങ്ങുക എന്നിങ്ങനെ സാമ്പ്രദായികമായ പുരുഷ ചിന്തയിലെ സ്ത്രീയായി മാറുന്നു ഇവിടുത്തെ സ്ത്രീകള്. കരുത്തിന്റെ അടയാളമായി ആണിന്റെ ശരീരം വരുന്നെങ്കില് ജ്വലിപ്പിക്കുന്ന, കാമം ജനിപ്പിക്കുന്ന സൗന്ദര്യത്തിന്റെ രൂപമായി സ്ത്രീ ശരീരങ്ങള് മാറുന്നു. ആധുനിക കാലത്തു രൂപപ്പെട്ട ദ്വന്ദ്വത്തിന്റെ പുനരുല്പാദനമായിട്ടാണ് ഈ പരസ്യങ്ങള്ശരീരങ്ങളെ കുറിച്ചു സംസാരിക്കുന്നത്. അങ്ങനെ ആണിന്റെ പെണ്ണിന്റെ മുകളിലുള്ള ആധിപത്യം സൂക്ഷ്മമായി സൃഷ്ടിച്ചെടുക്കുന്ന സാംസ്കാരിക പ്രയോഗമായി അടിവസ്ത്രക്കാഴ്ചകള് മാറുന്നു.
പുരുഷ ജട്ടികളുടെ ലിംഗരാഷ്ട്രീയം കൃത്യമായി സൂചിപ്പിക്കപ്പെടുന്നത് അതിന്റെ സവിശേഷമായ ദൃശ്യവല്കരണത്തിലാണ്. ജട്ടിമാത്രം വസ്ത്രമായി കാണിച്ചുകൊണ്ട് ബാക്കിയെല്ലാം നഗ്നമാക്കി നിലനിര്ത്തുന്നതാണ് പരസ്യങ്ങളിലെ കാഴ്ച. അരയക്കു മുകളിലോട്ട് സവിശേഷമായ കാഴ്ചാ പ്രാധാന്യം കിട്ടുന്ന വിധത്തിലാണ് പോസ് വരുന്നത്. വെറുതേ നില്ക്കുകയാണെങ്കിൽ പോലും ക്രിയാഭരിതമായ കരുത്തും അക്രമോത്സുകതയും വെളിപ്പെടുന്ന മട്ടിലാണ് ദൃശ്യങ്ങള്. കായികമായ ഒരു പ്രവര്ത്തനത്തിന്റെ സൂചന അവിടെക്കാണാം. മൊത്തം ശരീരത്തിന്റെ ആണത്തത്തെ അലങ്കരിക്കുന്ന വിധത്തിലാണ് ജട്ടിയെ കാണിക്കുന്നത്. കാലകത്തിയാണ് ആണ് നില്ക്കുക. ഇരിക്കുകയാണെങ്കിലും കാലകത്തി ലിംഗവും തുടയും കൃത്യമായി കാണത്തക്കവിധമാണ്. ആണിന്റെ ലിംഗത്തിന്റെ വലിപ്പവും മുഴുപ്പം പ്രത്യേകമായി എടുത്തു കാണിക്കുന്ന വിധത്തിലാണ് ഈ പരസ്യങ്ങളെന്നതാണ് പ്രത്യേകം ശ്രദ്ധിക്കേണ്ടത്. ലിംഗത്തിന്റെ മുഴുപ്പിനെ കേന്ദ്രീകരിച്ചാണ് ആണത്തത്തിന്റെ പുരുഷ വ്യഖ്യാനങ്ങൾ പ്രവര്ത്തിക്കുന്നത് എന്നത് ഇതുമായി കൂട്ടിവായിക്കണം. വലിയ ലിംഗമാണ് ലൈംഗികവിജയത്തിന്റെ ലക്ഷണമെന്നും സ്ത്രീയെ തൃപ്തിപ്പെടുത്താന് ലിംഗത്തിന് നീളം കൂടിയിരിക്കണമെന്നുമുള്ള കുട്ടിത്തം തൊട്ടേ ആണ്കുട്ടി പഠിക്കുന്ന പാഠങ്ങളുടെ വിശദീകരണമായാണ് ജട്ടികള് ആണുങ്ങളെ പ്രലോഭിപ്പിക്കുന്നത്. വലിയ ലിംഗത്തിന്റെ ഉടമകളാകാനാണ് ജട്ടികളുടെ പരസ്യങ്ങള്ആണിനോടു പറയുന്നത്. അങ്ങനെ ചന്തിയെയും തുടയെയും ലിംഗത്തെയും മറയ്ക്കുന്ന വസ്ത്രമല്ലാതായി അടിവസ്ത്രം മാറുകയും സ്ത്രീയെ എല്ലാത്തരത്തിലും കീഴടക്കുന്ന ആണത്തത്തിനെ നിര്മിക്കുന്ന പ്രത്യയശാസ്ത്രമായി മാറുകയുമാണ് ജട്ടികള്. സ്ത്രീയിലേക്കു തുളഞ്ഞു കയറുന്ന ആണ്ഭാവനകളുടെ സ്വപ്നസാക്ഷാത്കാരമാണ് ഓരോ ആണ്ജട്ടി പരസ്യങ്ങളും.
സ്ത്രൈണതയെ പരിപോഷിപ്പിക്കുമ്പോള്
ആണ്ജെട്ടി പരസ്യങ്ങളുടെ ലിംഗരാഷ്ട്രീയം എത്രമാത്രം വിവേചനപരമാണെന്നു കാണണമെങ്കില്സ്ത്രീകളുടെ അടിവസ്ത്രങ്ങളുടെ പരസ്യങ്ങളെ വായിക്കണം. പുരുഷ ജെട്ടി പരസ്യങ്ങള്ടിവിയില് വ്യാപകമായിരിക്കുമ്പോള് സ്ത്രീകളുടെ അടിവസ്ത്ര വീഡിയോകള്അധികമില്ലെന്നതാണ് ശ്രദ്ധേയമായ സംഗതി. അതേസമയം അവയുടെ അച്ചടി പരസ്യങ്ങള് ധാരാളമുണ്ടുതാനും.
കേരളത്തിലെ വനിതാ മാസികകളുടെ പ്രധാന ഉള്ളടക്കം തന്നെ ഇത്തരം പരസ്യങ്ങളാണുതാനും.
ഈ പരസ്യങ്ങളെ സ്ഥൂലമായി നിരീക്ഷിച്ചാല് തന്നെ വ്യക്തമായി ഒരു വിവേചനം കാണാം, ആണ്ജെട്ടികളുടെ പരസ്യങ്ങളില്സ്ത്രീ കാഴ്ചക്കാരായി ഉണ്ടായിരുന്നെങ്കില് സ്ത്രീകളുടെ അടിവസ്ത്ര പരസ്യങ്ങളില്പുരുഷന്പാടെ ഒഴിവാക്കപ്പെട്ടരിക്കുന്നു എന്നതാണ്. ഇവിടെ സ്ത്രീ മാത്രം അവളുടെ ശരീരത്തെ പ്രദര്ശിപ്പിക്കുന്നു. ബ്രായും ജട്ടിയും ധരിച്ച് ബാക്കി ശരീരത്തെ കാഴ്ചക്കാര്ക്കായി വയക്കുകയാണ് ഈ പരസ്യങ്ങളുടെ പൊതുനില. വെളുത്തു തുടുത്ത, വൈദേശിക ഛായയുള്ള സ്ലിമ്മായ പുരുഷനെ ആഹ്ലാദിപ്പിക്കുന്ന ശരീരവടിവുകളുള്ള സ്ത്രീകളാണ് ഇവിടെ കാണുന്നത്. പുരുഷ പരസ്യങ്ങളില്നിന്നു ഭിന്നമായ ധര്മത്തിലാണ് ഇവിടെ സ്ത്രീ കാണപ്പെടുന്നത്. പുരുഷന് ജട്ടിയിട്ട് അധികാരത്തോടെ കാലകത്തി ഇരിക്കുകയാണെങ്കില് സ്ത്രീ മിക്കപ്പോഴും നില്ക്കുന്ന രീതിയിലാണ് കാണുന്നത്. ഇരിക്കുകയാണെങ്കിലും നില്ക്കുകയാണെങ്കിലും കാലടുപ്പിച്ച് വച്ച് അടങ്ങിയൊതുങ്ങിയാണ് പ്രത്യക്ഷപ്പെടുക.അധികാരഭാവമോ എന്തെങ്കിലും പ്രവര്ത്തനസ്വഭാവമോ സ്ത്രീയുടെ ദൃശ്യതയില് ഇല്ല. മറിച്ച് നിസംഗയായമട്ടിലുള്ള കാഴ്ചയ്ക്കു വിധേയപ്പെടലാണ് സ്ത്രീയുടെ അവസ്ഥ. നോക്കുന്ന ആളിന് തന്റെ ശരീരാവയവങ്ങളുടെ സൗന്ദര്യം നുകരുവാനുള്ള ക്രമീകരണമാണ് അവളുടെ പോസ്. പുരുഷന്സ്ത്രീക്കു നിര്വചിച്ചിട്ടുള്ള മൃദുലതയും അടക്കവും ഒതുക്കവും അധികാരരാഹിത്യവും ലൈംഗികപ്രലോഭനതയും കാമം ജനിപ്പിക്കലുമാണ് എല്ലാ ബ്രാ ജട്ടി പരസ്യങ്ങളുടെയും കാതല്. സ്ത്രീകളെ അടിവസ്ത്രങ്ങളുടെ ആവശ്യകതയെ ഉദ്ബോധിപ്പിക്കുന്നതിനപ്പുറം പുരുഷന് സൗന്ദര്യം ജനിപ്പിക്കുന്ന വിധം നിലവിലുള്ള ലൈംഗികതാ യുക്തിക്കു നിരക്കുന്ന വിധത്തില്എങ്ങനെ സ്ത്രീ ശരീരത്തെ ഒരുക്കാം എന്നതാണ് ഇവിടെ ഉല്പാദിപ്പിക്കുന്ന പ്രത്യയശാസ്ത്രം.
സ്ത്രീ ശരീരത്തെ പ്രദര്ശിപ്പിക്കുന്നതിലെ പൊതുവിലുള്ള ശരിയില്ലായ്മ അല്ലിവിടെ ഉന്നയിക്കുന്നത് മറിച്ച് പുരുഷകേന്ദ്രീകൃതമായ ലൈംഗികതായുക്തിയിലേക്കു സ്ത്രീശരീരത്തെ നിസംഗതയും സൗന്ദര്യവും ഉള്ളതായി മെരുക്കിയെടുക്കുന്നു എന്നതാണ് ഇവിടുത്തെ പ്രശ്നം. പുരുഷനെ ആഹ്ലാദിപ്പിക്കുന്ന വിധത്തില് മുലകളുടെയും അടിവയറിന്റെയും സൗന്ദര്യം സൃഷ്ടിക്കണമെന്നതാണ് ഈ പരസ്യങ്ങളുന്നയിക്കുന്നത്. അതിനാലാണ് ക്രിയകളും അധികാരവും ഇല്ലാത്തവളായി സ്ത്രീയെ പ്രത്യക്ഷപ്പെടുത്തുന്നത്. വിധേയപ്പെടലിന്റെ നഗ്നതയായിട്ടാണ് സ്ത്രീയെ ദൃശ്യവല്കരിക്കുന്നതാണ് ചെറുക്കപ്പെടേണ്ടത്.
https://www.youtube.com/watch?v=IttWck7mqUg
ഡെയ്സി ഡീ എന്ന സ്ത്രീ അടിവസ്ത്ര വീഡിയോ പരസ്യം ഇത് കൃത്യമാക്കുന്നുണ്ട്. ഒരു യുവതി മാത്രമുള്ള ഈ പരസ്യം അവളുടെ അടിവസ്ത്രം മാത്രം ധരിച്ചുകൊണ്ടുള്ള അടങ്ങിയൊതുങ്ങിയുള്ള ഇരിപ്പും നടപ്പും കണ്ണാടിനോക്കലും ചിത്രം വരയ്ക്കലും മാത്രം നിര്വഹിക്കുന്നു. ഒരു വലിയ വീടിന്റെ അകത്തളമാണ് അതിലേറെയും കാണിക്കുന്നത്. പുറംലോകം അവിടെ വരുന്നില്ല. അതേ സമയം പുരുഷ പരസ്യങ്ങളില് പുറംലോകമാണ് ഏറെ വരുന്നത്. സ്ത്രീ വീടിന്റെ അകത്ത് അതിലെ ജോലികള്ചെയ്ത് ഒതുങ്ങിക്കഴിയുകയാണ് വേണ്ടതെന്ന ആധുനികകാല പുരുഷയുക്തി പുനരുല്പാദിപ്പിക്കുകയാണ് ഈ പരസ്യം. അതിനു സഹായിക്കുന്ന വിധത്തില് ചമഞ്ഞൊരുങ്ങാനും മറ്റുമാണ് സ്ത്രീക്ക് അടിവസ്ത്രം.
സങ്കീര്ണമായ വിധത്തില്നമ്മുടെ സാമുഹ്യശരീരത്തില് തുന്നിച്ചേര്ക്കപ്പെട്ടരിക്കുന്ന പുരുഷാധിപത്യത്തിന്റെ രാഷ്ട്രീയത്തെ ന്യായീകരിക്കുകയും പുനരുല്പാദിപ്പിക്കുകയും ചെയ്യുന്നു നിസാരമെന്നു കരുതി ഒളിപ്പിക്കുന്ന അടിവസ്ത്രങ്ങളുടെ സംസ്കാരം എന്നതാണ് വെളിപ്പെടുന്നത്. ഉടയാടകളും അടിയാടകളും കേവലം ശരീരം മറയ്ക്കുന്ന വസ്ത്രങ്ങള്അല്ലാതാകുകയും സവിശേഷമായ പ്രത്യയശാസ്ത്രത്തിന്റെ കൂട്ടിക്കൊടുപ്പുകാരാവുകയും ചെയ്യുന്നു. ആണിനെ കൂടുതല്അക്രമോത്സുക ആണാക്കുകയും സ്ത്രീയെ കൂടുതല് കീഴടങ്ങിനില്ക്കുന്ന പെണ്ണാക്കുകയും ചെയ്യുന്ന ലിംഗ,ലൈംഗികകാഴ്ചപ്പാടുകളുടെ പ്രയോഗങ്ങളെ ശക്തമായി തിരിച്ചറിയപ്പെടേണ്ടതുണ്ട്. നാം ധരിക്കുന്ന വസ്ത്രങ്ങളുടെ തുന്നലുകളും ഊടും പാവും ഏതൊക്കെ ആധിപത്യങ്ങളില് നിന്നാണ് ഉല്പാദിപ്പിക്കുന്നതെന്ന പ്രശ്നം നാം കൂടുതലായി ചര്ച്ചചെയ്യേണ്ടിയിരിക്കുന്നു.
Be the first to write a comment.